رواية حرب العشق الفصل الواحد والعشرون 21 بقلم هاله احمد

 رواية حرب العشق الفصل الواحد والعشرون 21 بقلم هاله احمد

عشق بخوف وتوتر: حمزززه اهدا بس وافهم والله العظيم انت فاهم غلط 

حمزه قرب بسرعه من امجد وضر*بو وامجد وقع ع الارض من شده الضر*به... 

عشق بصراخ: حمزززه علشان خاطري خلاص 

حمزه بصلها بعيون حاده وشدها من ايديها وقال: خايفه علييييه هاااا ردي 

عشق بصدمه ودموع: والله لااا يا حمزه انا خايفه عليك انت 

حمزه بزعيق: ابعدي ملكيش دعوووه انتي فاااهمه 

حمزه شد امجد بعنف ونزل بيه تحت.. 

حمزه بزعيق: حسااااام يا حساااااام 

حسام الحارس جيه بسرعه وقال بخوف: تحت امرك يا حمزه بيه 

حمزه بعصبيه: فين باقي الحراس 

حسام بلع ريقو بخوف وقال: محاوطين الفيلا يا حمزه بيه 

حمزه ضر*ب امجد برجل وهو واقع ع الارض وقال: امال ده بيعمل اي هناااااا هااااا دخل ازاااااي ده 

حسام بتوتر وخوف: والله يا بيه احنا مفتحين عنينا كويس اوي بس مش عارف ده دخل ازاي والله 

عشق كانت واقفه ع السلم فوق وكانت بتعيط بصوت مكتوم وقالت فنفسها: ربنا يسترهااا.. 

صفاء طلعت من اوضتها ع الصوت وقالت بخضه: حمزه في ايييي ومين اللي واقع ع الارض ده 

حمزه بزعيق: ادخلي جوااا انتي يا صفاء دلوقتي مش عاوز اشوف حد قدامي دلوقتي يلااااا 

صفاء بعدم فهم: بس يا حمزه 

قاطعها حمزه بزعيق وقال: قولت يلااااااااااااا 

صفاء سمعت الكلام ودخلت اوضتهاا بس طلعت تلفونهاا وعملت مكالمه... 

اسر: اي يا صفاء 

صفاء بصوت واطي: الحق حمزه يا اسرر في حد هنا غريب وحمزه ضا*ربو وكمان الفيلا مقلوبه.. 

اسر بخضه: انتي كويسه وجميله وعشق كلكو بخيرر 

صفاء: متقلقش متقلقش احنا كويسين بس تعالا الحق حمزه ليعمل حاجه في الراجل اللي برا ده 

اسر بسرعه: عشر دقايق وهتلاقيني عندك متقلقيش خليكي في اوضتك بس 

صفاء: حااضر بس متتاخرش 

وقفلت معاه وعملت مكالمه تانيه.. 

ادهم: اي يا قلب القلب 

صفاء: ادهم تعالا ع الفيلا بسرعه يا ادهم علشان حمزه شكلو بيعمل مصيبه جديده 

ادهم بخوف: انتي كويسه اهم حاجه 

صفاء: كويسه كويسه بس يلا متتاخرش بس 

ادهم: حاضر حاضر جاي اهو علطول

عند حمزه كان قاعد ع الكرسي وحاطت رجل ع رجل ويينفخ في السجاره بقوه وامجد قدامو ع الارض مش قادر يقوم من شده وجع الضر*ب... 

حمزه ببرود: قلبك جامد اوي يااا امجد باشا 

امجد بتعب: انت عاوز اي متسيب مراتي وبناتي دول ليا انا وانا الاحق بيهم 

حمزه ضحك بسخريه وقال: اااه وبعدين 

فجأه دخل اسر وقال بخوف ع حمزه: انت كويس يا حمزه في اي.. اي اللي حصل 

حمزه بسخريه: لا مفيش ده واحد عاوز يتأدب بس 

اسر بص ع امجد اللي كان واقع ع الارض وقال: مالو ده ومين ده 

عشق نزلت بخوف وقالت: ده يبقا ابو بناتي يا اسرر 

اسر بصدمه: ازاي يعني هو مش ماا*ت 

حمزه بغضب جحيمي: اطلعيييييي فوووق يا عشششق 

عشق بتوتر: حمزه 

حمزه قاطعها بزعيق: ع فووووق ي عشششششق 

عشق طلعت فوق ع اوضتها خوفا من عصبيه حمزه دلوقتي.. 

وبعد شويه وصل ادهم.. 

ادهم دخل وكان رافع مسد*سو وقال: حمزه انت كويس 

حمزه ببرود: نزل السلا*ح ده 

ادهم بستغراب: اي داا مين ده 

اسر بسخريه: والله منا عارف 

امجد بتعب: سبني امشي احسنلك يا حمزه 

حمزه ضحك بصوت عالي وقال: طب لو مسبتكش تمشي.. 

امجد: سليم مش هيسبني لان لسه ليه شغل معايا وشغلو اهم من اي حاجه 

ادهم بصدمه: ده تبع سليم ده هيفيدنا جدا في القضيه يا حمزه اوعا تسيبو 

حمزه بسخريه: والله ده تصدق كانت فايته عني دي يااا استاذ ادهم 

ادهم باحراج: انا اسف يا فندم مش قصدي اعدل عليك 

اسر: ده هيفيدنا جااامد اوي احنا نسيبو هنا في الاوضه اللي ورا الفيلا ونحط حواليه حراس لغايه ما ناخد منو اللي احنا عاوزينو لان لو خدناه مركز الشرطه هيجبوه او هيأذوه 

حمزه: كويس جداا الحل ده خلاص رتب كل حاجه يا ادهم 

ادهم: تحت امرك يا فندم 

امجد كان مغمي عليه ومش حاسس بأي حاجه وعشق سامعه كل حاجه من فوق لانها كانت واقفه ع السلم.. 

كانو قاعدين كلهم بيفكرو في اللي جاي وهيتصرفو ازاي.. 

حمزه كان باصص ع امجد بغل وحقد وهاين عليه يقوم يمو*تو وقال فنفسو: ليييه.. ليه انت اول حد تحبها وتحبك ليه انت تلمسهاا ليه تخلف منك ليييه الدنيا مش عادله ابداا لييه مكنتش انا اول حد في حياتها ليه مكنتش اول حد انا ليييه اكون في الخانه التانيه لييييييه فيك اي احسن مني ليه القدر بيعاندني دايماا 

اسر لاحظ شرود حمزه وعارف هو بيفكر في اي دلوقتي قال: نصيب يا صاحبي نصيب.. 

حمزه بصلو وقال: اهو كل حاجه تحصل في حياتنا نقول نصيب يلا الحمدلله.. خيررر المهم ان عاوز نفتح عنينا ع الواد ده كويس اووي اووي.. 

ادهم بخوف: ممكن اقول حاجه 

حمزه بصلو بطرف عينو وقال: قول يا استاذ 

ادهم بتوتر: هتجوزني صفاء امته بقااا 

اسر وحمزه بصو لبعض وضحكو... 

حمزه: هو ده وقتو يااا زفت انت قوم يلا امشي من هنا ملكش لزمه اساسا 

اسر بضحك: لا سيبو بالله عليك بيضحكني 

حمزه: ده دمو سم بيضحك في اي 

ادهم بضحك وتمثيل: بقا كده يا حموزتي تقول ع ادهم حبيبك كده 

كلهم انفجرو في الضحك من طريقه ادهم وقعدو يضحكو شويه... 

حمزه: قوم يا ادهم قول لحسام يجي هو والرجاله ياخدو القت*يل ده الاوضه 

أدهم: حاضر 

وادهم راح جابهم وهما خدوه ومشو حسب تعليمات حمزه... 

حمزه بتعب: هطلع انام انا بقا شويه تعبت 

اسر: وانا كمان هروح وبكره الصبح هجيلك 

حمزه: متخليك هنا لسه هتروح 

ادهم: انا عندي شويه شغل في المركز هخلصهم برضو واجيلك الصبح 

حمزه: تمام ماشي 

بس فجأه سمعو صوت صريخ عشق حمزه طلع بسرررعه ووراه اسر وادهم.. 

عشق كانت واقفه مصدومه حمزه بصلها بخضه وقال: في اييييه 

عشق كانت بصه ع سرير الاطفال وساكته.. 

ادهم بص بصدمه وقال: ينهار اسود اي دااا 

اسر وع وشك الدموع تنزل من عنيه: مستحيل مستحيل... 

حمزه قرب من سرير الاطفال ووقع ع الارض بصدمه من اللي شافو وقال بصوت مختلط بين الدموع والصبر والقوه: شيلو البنت التانيه من جنبهاا.. 

بقلمي/𝗛𝗮𝗟𝗮 𝗔𝗵𝗺𝗲𝗱

#حرب_العشق

البارت الواحد وعشرون🤍.

       الفصل الثاني والعشرون من هنا 

لمتابعة باقي الرواية زوروا قناتنا ع التليجرام من هنا  

تعديل المقال